Центарот за јавно здравје Куманово последната недела регистрира 47 ново заболени лица од грип. Од почетокот на сезоната односно од октомври евидентирани се вкупно 289 заболени лица.
– Според евиденцијата најзастапена популација е од 15 до 64 години.Меѓутоа очекуваме по празниците извештаите што ќе ги добиеме во наредните недели дека бројката на заболени ќе расте, вели доктор Јадранка Стаменсковска епидемиолог во Центарот за јавно здравје.
Својата кулминација оваа сезонско заболување ја достигнува во јануари и февруари.
Вакцина против грип во октомври и ноември лани, примиле 1.500 лица во Центарот за јавно здравје.