Вкупно 64 единици крв се собрани на денешната крводарителска акција што се одржа во Центарот за култура, Крива Паланка.
Акцијата ја организира Општинската организација на Црвен Крст во соработка со Институт за трансфузиона медицина – Скопје, на иницијатива на Општински комитет на ВМРО-ДПМНЕ, Крива Паланка.
Акцијата е традиционална, се организира секоја година по повод 23 Октомври, Денот на македoнската револуционерна борба, а во соработка со ВМРО-ДПМНЕ годишно се организираат по две акции.
– Кривопаланечките крводарители се дарители за пример, што се потврди и денес. Годишниот план за крводарувања со проектирани 711 единици крв беше надминат уште во средината на септември. Со денешните, имаме собрано вкупно 941 единица крв од кои 236 во изминатите два месеца. Со ова годишниот план е натфрлен за 230 единици и е реализиран 133 отсто, информираaт од Црвен крст, Крива Паланка.
До крајот на годината е предвидено да се организираат уште три акции на територијата на општините Крива Паланка и Ранковце.