Градоначалникот на Кочани, Ратко Димитровски денеска свечено ја отвори Етно куќата, која за општината треба да претставува неформален градски музеј.
Објектот од културата, чиј архитект е Александар Гицов, е вреден 250.000 евра, а средствата се обезбедени од претпристапните фондови на ЕУ. Партнер на Општина Кочани во реализацијата на овој проект е бугарската општина Рила.
„Влегуваме во фаза кога е потребно собирање на сите музејски и етнолошки експонати автентични за овој крај, кои треба да се сместат во Етно куќата, која е лоцирана во близината на ОУ „Раде Кратовче“, изјави градоначалникот Димитровски.