Во Центарот за јавно здравје во Кавадарци оваа сезона досега се регистрирани 15 случаи на заболени од грип, информираше денеска доктор Ристе Јовановски, специјалист епидемиолог.
– Вакцина против сезонски грип примија 810 граѓани, бројката е поголема од ланската која изнесуваше 665. Заболените од сезонски грип се пациенти на возраст од 15 до 64 години,изјави Јовановски.
Тој нагласи дека најуспешна мерка или превентивна мерка за стекнување на имунитет кон сезонскиот грип како заразно заболување е токму вакцината и затоа таа се препорачува за сите ризични групи кои се изложени на заразување.