Во подрачната единица на Центарот за јавно здравје од Кавадарци сезонава се регистрирани 2.828 грипозни пациенти од кавадаречката и росоманската општина.
Епидемиологот Ристе Јовановски денеска информираше дека оваа бројка е многу поголема од истиот период минатата година, кога биле евидентирани само 43 заболени од грип.
– Но, тоа се должи на фактот што сезоната на грип овојпат започна неколку седмици порано, појасни Јовановски и додаде дека последнава седмица се пријавени 137 новозаболени.
Нагласи дека сепак бројката на грипозни се намалува кај сите возрасни групи. – За тоа говори и фактот што во една од минатите седмици, заболените од сезонски грип ја достигнаа и бројката од 1.024, додаде Јовановски.