Општина Делчево се вклучува во светската еколошка акција за чистење на расфрланиот отпад. Акцијата ќе се организира в сабота кога се одбележува Светскиот ден на чистењето, а во неа ќе се вклучат вработените во локалната самоуправа, јавните институции, училиштата, граѓанскиот скетор, но и граѓани кои сакаат чиста животна средина.
Како што информираа од општината во рамки на акцијата во Делчево ќе се чисти дивата депонија кај манастирскиот комплекс „Св.Богородица Балаклија“.
– И покрај напорите на јавното претпријатие несовесни граѓани константо фрлаат ѓубре на спомената депонија и затоа целта е овој пат целосно да ја исчистиме, волонтерски без употреба на машини, со што се надеваме дека несовесните грѓани нема повторно да ја доведат во сотојба во која е сега. Во рамки на планираната акција, чистење е предвидено и на уште неколку локации во градот Делчево, информираат од општината.
Светскиот ден на чистење во Делчево ќе се спроведе во соработка со Министерство за животна средина и просторно планирање на Република Македонија.