Нов в.д. директор на ЈПКД „Брегалница“ од Делчево од денеска е инженерот по хортикултура Розета Цонева, вработена во претпријатието.
Ова именување следува откако претходниот в.д. директор Дарко Гоцевски си поднесе оставка на функцијата. Именувањето на Цонева е во рамки на кадровските смени на првите луѓе на општинските иституции. Како што истакна градоначалникот Горан Трајковски, во тек е именувањето директор на СОУ „М М Брицо“, а досега нови директори добија двете основни училишта во Делчево.
Во ООУ„Климент Охридски“ за в.д. директор е поставен професорот Горан Димитровски, додека во ООУ„Ванчо Прке“ професорот Горан Велков.
На кадровските смени, претходеше и непродолжување на договорите на 16 лица ангажирани преку Агенција за привремени вработувања.