Во Делчево денеска гласаат 222 болни и изнемоштени лица за вториот круг од претседателските, како и парламентарните избори.
Бројката на лица кои можат да го остварат своето право на глас во домашни услови, како што соопштија од ОИК Делчево, е поголем за 61 лице за разлика од првиот круг на претседателските избори.
Во соседната општина Македонска Каменица, како што информираа од Општинската изборна комисија во домашни услови гласаат 47 болни и изнемоштени лица.
Вкупен број на избирачи за утрешните избори во Делчево е 14.569, додека пак, во Македонска Каменица таа бројка изнесува 6.651 лица со право на глас.
Од двете општински изборни комисии информираа дека сите избирачки места во текот на утрешниот ден, ќе бидат отворени од 07:00 часот, а гласањето за парламентарните и претседателските избори ќе се одвива до 19:00 часот.