Во партнерство со Дирекцијата за заштита и спасување и Мировниот корпус во Македонија, општина Богданци реализира проект од областа на противпожарната заштита во чии рамки успешно беше спроведена и дводневна обука за универзалната единица за заштита и спасување од Богданци.
Во рамки на реализацијата на проектот кој инаку се состоел од четири активности, од Општината потенцираа дека било направено ажурирање на универзалната единица за заштита и спасување, набавена е противпожарна опрема, спроведена е споменатата дводневна обука и извршена е презентација за противпожарна заштита наменета за учениците во основното образование.
Буџетот за реализација на заедничкиот проект изнесуваше 3.265 долари. Партнерите изразија задоволство од успешната имплементација и најавија продолжување и проширување на заедничките активности.