ВМРО-НП повторно регира за 10-от jубилеен пивофест во Прилеп.
„Како што чувме од добитникот на нововостановената награда златна шајкача, градоначалникот Марјан Ристевски кој патем сосема оправдано ја заслужи, на овој пивофест, се испило пиво во рекорди и се изела рекордна количина скара“, рече Ване Цветанов.
„Она што го направија во Прилеп беше се, само не одбрана на македонскиот идентитет.Напротив, ние бевме сведоци на доминација на бившо-југословенската поточно српска култура во центарот на Македонија.Пивофест Прилеп, за нас како ВМРО-Народна партија направи поголем удар по македонската национална самобитност отколку сите изјави и настапи на докажани противници од надвор.А ВМРО-ДПМНЕ уште еднаш докажа дека неговата вистинска идеолошка матрица е СК движење за Југославија“, рече Цветанов.
„Второто прашање кое сакаме да го покренеме е економскиот ефект. Во владата на г-динот Георгиевски во 1998 година имавме еден министер за трговија кој спроведе кампања купувај домашни производи.Сите се сеќаваме на спотот за овците на Миле, како сите ние купуваме од сирењето на Миле и стануваме побогати.