ВМРО-ДПМНЕ во пишаната реакција на прес-конференцијата на Стево Пендаровски, претседавач на Советот на СДСМ за безбедносни прашања и НАТО интеграции, го повика Пендаровски да предложи решение за проблемот за влез во ЕУ и НАТО.
Имајќи предвид дека главниот проблем е барањето на Грција за промена на името и идентитетот, се наведува во реакцијата, го повикуваме јавно Пендаровски да каже кое име и кој идентитет тој би го предложил, а кои Грција би ги прифатила.
Зачудени сме што коалицијата на Бранко Црвенковски, Љубчо Георгиевски и Тито Петковски, продолжува со леснотија да лицитира различни попустливи ставови во врска со спорот за името. Пендаровски нека го праша Бранко Црвенковски, зошто тој изминативе 20 години не успеал да го реши проблемот, стои во реакцијата на ВМРО-ДПМНЕ.