Владата одлучи да стартува основањето и работата на Институтот за геостратешки истражувања и надворешна политика на Министерството за надворешни работи, информира на денешната прес – конференција владиниот портпарол Александар Ѓорѓиев.
Основна цел на Институт ќе биде развој на истражувачките капацитети и можности од поширок општествен интерес и генерирање стратешки насоки од државен интерес и нивно промовирање пред домашната и странска јавност.
„Ќе се овозможи размена на ставови, гледишта, позиции во рамки на експертско насочени дебатни форуми, кои би биле од корист во процесот на креирање политики и носење решенија во сферата на надворешната работи, изработка и објавување документи кои третираат теми и прашања од регионално, европско и глобално значење, а во кои преовладуваат позиции, согласно стратешките приоритети на Република Македонија“, рече Ѓорѓиев.