На самиот старт на денешното рочиште за трагедијата во „Пулс“, наидуваме на еден голем скептицизам и разработена шема на адвокати и на обвинети кои манипулираат на разни можни начини нашата болка уште повеќе да ја зголемат, вели таткото на починатиот Андреј Стојанов, еден од шеесетината жртви во дискотеката „Пулс“.
– Ме чуди со кое лице адвокатите на обвинетите ќе се ситат, ќе земат крвави пари и со гордост велат дека ова судско рочиште ќе трае 15-20 години. Oва според нас е еден од најважните испити на државата, бидејќи како минува времето нас не ставаат на страната на заборавот. Познати адвокати, бранители на обвинетите сакаат нас тотално да не уништат, нека им служи на чест тоа, изјави Стојанов.