Заменик претседателката на СДСМ, Радмила Шекеринска, денеска е помеѓу граѓаните на Делчево и Берово.
На средбите се разговараше за секојдневните проблеми со коишто се соочуваат граѓаните и решенијата од програмат на СДСМ.
Заеднички беше констатирано дека на Македонија и се потребни промени за конечно да се врати на вистинскиот, на европскиот пат.
-Од притисоци, закани и казни не сме раат. Пари нема. Многу тешко се живее, а без нашите деца, без младите уште потешко. Но, нема тука за нив живот, затоа чарето го баарат во туѓина, велат револтирано граѓаните коишто ги очекуваат промените.
-Чекор по чекор заедно со вас во Македонија ќе создадеме услови за пристоен живот. Ќе ги вратиме младите, дома да ја градат својата иднина. СДСМ има реална и остварлива програма со мерки коишто ќе допринесат за отворање на нови работни места и враќање на бројна и силна средната класа. Оние што живеат од земјоделие ќе бидат ослободени од персонален данок. Ќе ја укинеме радиодифузната такса и ќе ја вратиме ефтината тарифа на струјата. Нашата цел е просечната плата да достигне до над 29 илјади денари, за период од 4 години, рече Шекеринска.
Зборувајќи за актуелната политичка состојба Шекеринска рече дека она што се случува со избирачкиот список е потврда за изборниот киминал што го спроведувал врвот на ВМРО-ДПМНЕ.
-Прочистувањето на списокот започна и тоа е важен услов за фер избори. На фер и демократски избори, со причистен Избирачки список и регулација на медиуми, во Македонија ќе се случат промени на коишто ќе победи СДСМ. Граѓаните бараат промени за подобар живот и промените ќе се случат, додаде Шекеринска.
На средбите со граѓаните во Берово и Делчево, со заменик претседателката присуствуваше и претседателката наа Коомисијата за земјиделство, шумарство и водостопанство, Татјана Прентовиќ.