Полицијата денеска уапси двајца жители на гевгелиското село Богородица бидејќи во нивните домови било пронајдено оружје.
– Во нивните домови, со судска наредба биле извршени претреси, при што во домот на А.Д. во с.Богородица биле пронајдени и одземени две ловечки пушки, воздушна пушка, самострел, 99 патрони ловечка муниција, 272 боеви куршуми од различен калибар и два оптички нишани. При претрес во домот на Ж.Д. во с.Богородица биле пронајдени и одземени еден ловечки карабин, воздушна пушка, една цевка за ловечка пушка, 107 патрони ловечка муниција и 44 боеви куршуми од различен калибар информираат од МВР.
За настанот бил запознаен Јавен обвинител, а лицата биле задржани во полициска станица. Ќе им бидат поднесени пријави.