Тројца скопјани се приведени поладнево затоа што влечеа коњ врзан за возило по улица во Скопје. Од малтретирањето на животното беа објавени снимки на социјалните мрежи. На нив се гледаше дека коњот е биквално изнемоштен и во еден момент паѓа на среде улица.
– Денеска ( 02.03.2023) на улица Благоја Стефковски во Скопје од страна на полициски службеници од ЕВР Гази Баба лишени се од слобода С. С. (24), Р. С. (20) и А.С. (54) од Скопје поради основано сомнение за сторено кривично дело по чл. 233 од КЗ (мачење на животни) сторено на 01.03.2023 околу 13:00 часот на ул. Коце Металец во Скопје , при што измачувале коњ. Известен е јавен обвинител и по документирање на случајот ќе биде поднесена кривична пријава се наведува во соопштението од МВР.