Во понеделник на ФЕИТ/МФС се одржа предавање за меки вештини (soft skills) организирано од група студенти при Факултетот за информатички науки и компјутерско инженерство (ФИНКИ): Емилија Ѓорѓевска, Оливер Ѓорѓевски, Нерма Муминовиќ, Стефан Стојановски и Дарко Ефтимов.
Проектот е под менторство на проф. д-р Владимир Трајковиќ (Медиуми и комуникации).
Гостин – предавач беше Огнен Јанески (ТВ водител, новинар, колумнист, тренер по ораторство, дигитален PR, модератор / аниматор).
Беа присутни над 100 студенти од целиот технички кампус, од различни години на студирање. Според организаторите, целта е да се едуцираат студентите за важноста на поседувањето на вакви вештини, со особен акцент на оние кои студираат на технички факултети, бидејќи таквите факултети не нудат обуки од овој контекст.