Точно пет месеци по страшната трагедија, денеска во Кочани се одржа 18. „Марш на ангелите“ на кој учестуваат семејствата на жртвите и поддржувачи.
„Се навршија пет месеци од најтешкиот ден во нашите животи. Пет месеци празнина во срцето, пет месеци во кои секој здив е потежок од претходниот. Пет месеци без прегратките и гласот на нашите најмили. Во овие месеци болката не стивнува. Спомените нѐ држат исправени“, изјави Розета Џамова, сестра на загинатиот Јорданчо Џамов.
Семејствата ги повторија барањата за целосна и непристрасна истрага.
Дел од учесниците на протестот обвинија дека полицијата задржала граѓани од други градови кои сакале да им се приклучат. Според нив, луѓето биле дваесетина минути задржани на влезот на Кочани.