Протестот пред судот заврши, а автобусите се вратија по градовите од каде што пристигнаа. Иако од ВМРО-ДПМНЕ во текот на вчерашниот ден праќаа СМС пораки за одење на протестот во кои пишуваше дека сите треба да се ослободени од работни обврски, сепак зад организацијата официјално застана ГДОМ.
Повик имаше и до администрацијата во Скопје, но повеќето само се појавија и заминаа од пред судот. Автобусите кои дојдоа од другите градови во Македонија беа паркирани кај Скопскиот саем, од каде вработените во администрацијата се упатуваа кон судот.