Народниот правобранител Иџет Мемети го истражува случајот со одлуката на Општина Аеродром, според која наместо три, годинава ќе има две паралелки на албански наставен јазик. Тој ги истражува и најавите кои следеа по таквата одлука дека градоначалниците на Чаир и Сарај ќе прават комбинирани паралелки на македонски наставен јазик.
Мемети денеска присуствуваше на тркалезна маса организирана во општина Тетово насловена „Остварување на правото на еднаквост и заштита од дискриминација“. Тој рече дека граѓаните станувале се по свесни за нивните права и начините како да се препознае и пријави дискриминацијата.
Само минатата година до народниот правобранител пристигнале 51 преставка од граѓаните. Најчесто се работело за дикриминација на работно место поради партиска или етничка припадност.