Во завршна прес конференција на МВР министерот за внатрешни работи Панче Тошковски и дополнителниот заменик министер за внатрешни работи Митко Бојмацалиев констатираа дека изборниот ден минал мирно и немало нарушувања на изборниот процес.
„Денес можам да кажам дека ги имавме едни од најдемократските и најмирните избори до сега. Сакам да им се заблагодарам на македонските полицајци кој работеа цел ден посеветено, но и на граѓаните кои покажаа дека заслужуваме да сме дел од европското семејство. Благодарност и до набљудувачите и до медиумите, кои сите допринесоа за да имаме мирен и демократски изборен ден“, рече Тошковски.
„ Македонската полиција беше на висина на задачата и допринесоа да имаме слободни и демократски избори“, изјави Бојманцлиев.
Од безбедносен аспект денот мина мирно и во демократска атмосфера. Не се регистрирани посериозни нарушувања на изборниот процес во текот на целиот ден и во целата држава.