Камион излета од патот Охрид-Кичево, во близина на селото Требеништа. Станува збор за возило со скопски регистарски ознаки. Возачот е повреден и е пренесен во болница. Според првичните информации, тој не е во животна опасност.
„На магистралниот пат Охрид-Кичево, во близина на селото Требеништа, случена е сообраќајна незгода во која, товарно возило „Ивеко“, со скопски регистарски ознаки, управувано од Д.П.(46) од Скопје, излетало од патот. Возачот е пренесен во болницата „Св.Еразмо“ каде се констатирани тешки телесни повреди“, велат од СВР Охрид.
На терен е излезена и полицијата која прави увид, за да ги утврди причините за несреќата и како камионот излетал од мостот. Тој е речиси целосно уништен.