Имаме информации дека мерката притвор е под силни притисоци на претседателот на Судот, Владимир Панчевски и обвинителката Снежана Бундалевска, тоа само кажува дека е политичка мерка и има за цел да ја ослабне Левица, рече Бранимир Јовановиќ од Левица.
– Бараме апелациониот суд да го прифати предлогот за укинување на мерката притвор за Здравко Савески и Владимир Куновски. Тие се држат во куќен притвор веќе 36 дена, во петокот им беше продолжена мерката за дополнителлни 30 дена и ние се сомневаме дека ќе бидат држени до максималните 60 дена. Ваквата мерка со оглед на доказите е престрога и со оглед на тоа што двајцата во минатото немаат никакви прекршоци, рече Јовановиќ на прес конференција пред Судот.
Тој потсети дека Иванов аболирал лица за тешки кривични додека во притвор се држат лица кои излегле на протест.
Александар Тодески