Новинарот Томислав Кежаровски доколку се брани од слобода, ќе биде достапен за институциите на правдата и на јавноста. Случајот е стар 5 години и не може да влијае на сведоците и на јавноста – изјави уредникот на „Нова Македонија“ Зоран Димитровски пред Основен суд 1.
Димитровски заедно со колегите кои се дел од Иницијативниот одбор за ослободување од притвор на новинарот Кежаровски, доставија барање за средба со претседателот на Кривичниот суд Владимир Панчевски, на која ќе побараат одговори на нејасните прашања поврзани со приведувањето на Кежаровски и одлуката за негов притвор.
– Прекршени се законите и Уставот, како и правната процедура. Притоа, судијката дава смешни образложенија за ваквата постапка. Доколку во одредена фаза се појави потреба, ќе бараме и Обвинителството да реагира – вели Димитровски.
Петар Клинчарски