ВИДЕО: Беснее пожарот во Пехчевско, градоначалникот повторно апелира на помош од доброволци

Од:

Пехчево денеска е завиено во чад, по пожарот кој вчера околу пладне повторно избувна над градот. Во пожарот изгоре единственото противпожарно возило сопственост на Доброволното противпожарно друштво „Пехчево”, а припадници на друштвото се здобија со помали изгореници, откако беа извлечени и спасени од вработените на подружницата на ЈП Национални шуми од Пехчево.

Од утрово пожарот се гаси од земја и воздух со хеликоптерска поддршка на АРМ, додека на терен покрај ДПД „Пехчево” се наоѓа поголем екипаж луѓе од Пехчево и околните места.

Хеликоптерите коишто учествуваат во гаснењето црпат вода од импровизираниот базен на Градскиот стадион.
Градоначалникот на Пехчево, Александар Китански апелира и понатаму кој е во можност да се приклучи на екипите со збирно место на градскиот плоштад. Во меѓувреме, на отворениот штанд се доставуваат продукти и вода за учесниците во гаснењето на пожарот.

Моментално ТППЕ Берово заедно со Шумската полиција, претставници од ЈП Национални шуми од Берово и Пехчево, како и припадници на ТППЕ Кавадарци, заеднички го гаснат пожарот над Пехчево на месноста Вртена скала.

Би можело да ве интересира

Активни шест пожари, вкупно 14 на отворен простор

Пожарот во Преспа е под контрола, уште гори на Серта, активно е уште на шест локации

Гори на планината Серта меѓу штипските села Драгоево и Селце

Ангелов: Бројот на пожари висок, третиот „ер трактор“ во фукција на почетокот на август

Пожари: уште гори кај Желино, Македонски брод, Василево и во прилепско

Катерина Ѓуровски

Изгаснат пожарот кај Бунарџик, активен е во Велешко, а четири се под контрола