36-годишен велешанец е тешко повреден откако со автомобилот кој го управувал излетал од патот. Сместен во Комплексот клиники „Мајка Тереза“.
– На 29.04.2023 во 11.20 часот на ул.„1“ во с.Ржаничино, скопско, патничко моторно возило „фолксваген голф“ со велешки регистарски ознаки, управувано од Л.Л.(36) од Велес, излетало од коловозот. Во несреќата со тешки телесни повреди се здобил возачот Л.Л. кој бил пренесен во Комплекс клиники „Мајка Тереза“ за укажување на лекарска помош. Увид на местото на настанот извршила екипа од СВР Скопје, информира Министерството за внатрешни работи.