Еврокомесарот за проширување Оливер Вархеји, кој се сретна утрово со македонскиот претседател Стево Пендаровски, се огласи кусо преку Твитер по состанокот.
#NorthMacedonia: Welcomed President @SPendarovski in Brussels today. Underlined support for official launch of accession talks&need for @EUCouncil to agree on negotiating framework. Important that North Macedonia & #Bulgaria find mutually acceptable solution for bilateral issues. pic.twitter.com/VEMVGMZw1z
— Oliver Varhelyi (@OliverVarhelyi) April 27, 2021
-Ја истакнав поддршката за официално отворање на преговорите за членство и потребата Советот на ЕУ да се согласи за преговарачката рамка. Важно е Северна Македонија и Бугарија да изнајдат заеднички прифатливо решение, напиша Вархеји на Твитер по средбата со Пендаровски.
Претседателот на Северна Македонија престојува во дводневна посета на Брисел каде што ќе има средби во ЕУ и во НАТО.
Тој денеска се сретна со Вархеји како и со специјалниот претставник на ЕУ за западен Балкан, Мирослав Лајчак и со шефот на ЕУ дипломатијата, Јосеп Борел.
За попладне се предвидени средби со претседателот на Европскиот Парламент, Давид Сасоли и со Европскиот Совет, Шарл Мишел.