Вечерва претседателскиот кандидат на Левица, Билјана Ванковска кампањата за претставување на својата програма ја продолжи со митинг Велес. На митингот во Велес се обратија и претседателот на Левица и носител на листа на ИЕ1 Димитар Апасиев како и носителот на листа на ИЕ3, Борислав Крмов.
Вечерва претседателскиот кандидат на Левица, Билјана Ванковска кампањата за претставување на својата програма ја продолжи со митинг во Велес. На митингот во Велес се обратија и претседателот на Левица и носител на листа на ИЕ1 Димитар Апасиев како и носителот на листа на ИЕ3, Борислав Крмов.
-Голема возбуда е да се биде овде. Доаѓам од спомен куќата на Кочо Рацин, а овде туку што ги слушав и неговите стихови. Пред самиот почеток на овој митинг додека си разговаравме со Димитар Апасиев тој рече „Нема револуција без поезија“. И вистина е така, а Велес е вистински пример за тоа, рече Ванковска.
На самиот почеток Ванковска истакна дека до сега била сама во кампањата, а од денес битката добива нов квалитет.
„Посакувам да го изодиме овој пат борбено, чесно и доследно. Она што нас не’ разликува од оние што трчаат на кратки патеки е тоа што ние трчаме маратон. Нас не не задоволува фотеља и позиција. Ние имаме кауза“, истакна Ванковска.
Од говорницата во Велес Ванковска кажа дека во овој град доаѓа само еден ден по нејзиниот главен ривал Гордана Сиљановска.
-Нејзиниот настап вчера го проследив со внимание. За момент помислив дека на Силјановска треба да и понудиме членска карта на Левица. Се повикува на Рацин, на Денови, на аргатски маки големи…, што мислиш дека се завртела на другата страна. Кој кого фолира и кој се обидува да го заведе народот ќе видиме за скоро време. Како може да зборувате за социјална држава и социјална правда, а пред вас во првите редови да седат најбогатите. Таа зборува за најсиромашните, а не го гледа лидерот на својата партија кој и обезбеди над 300 илјади евра за кампања, рече Ванковска.
Ванковска на митингот обелодени дека е закажана и дебата на претседателските кандидати која е закажана во недела на Македонската телевизија. Но, како што истакна дебатата ја прифатиле пет од седум претседателски кандидати. Двајцата кои не прифатиле се актуелниот претседател Стево Пендаровски и актуелниот министер за надворешни работи Бујар Османи.
-МРТ обезбеди соочување на кандидатите но нема да дојде врховниот командант на вооружените сили. Како можело таков кукавица да биде избран за врховен командант. Другиот што нема да дојде ќе бил во Сараево, истакна Ванковска.
Посочи дека таа практично е единствена опозиција на оваа дебата. И како што кажа, таа и Левица бараат не реформа туку радикална промена на се’ постоечко.
-Ќе ви раскажам и една анегдота. Неодамна имав средба со еден претставник на ОБСЕ и тој во разговорот беше многу загрижен и уплашен особено од оној наш весник кој се вика (Р)еволуција. И ми вели, вие ќе кревате револуција, вашите ставови се многу радикални. Од неговите реакции јас заклучив дека тие веќе се уплашени од силата и големината на Левица. Да продолжиме да работиме и успехот е неизбежен. Ќе победиме, истакна Ванковска.
Ванковска пред Велешани ја претстави и својата програма. Ги повтори ставовите за раскинување на трите договори и упати пораки за сплотеност до конечна победа.