Уште гори во прилепско од Топлица до селото Крстец, пожарот во Катланово со намален интензитет

Од:

Активен е пожарот во делот од Топлица кон селото Крстец, и тоа во тешко пристапен терен. Намален е интензитетот на горење кај пожарот во Катланово, а целосно е локализиран оној кај м.в. Бејаз Тепе. На терен е и екипата од Словенија и Австрија, информираат од Центарот за управување со кризи.

Од ЦУК посочија дека пожарот кој почна на 2 август кај м.в.Бeјаз Тепе е локализиран.

На терен се 100 припадници на Армијата, екипа од Бугарија со пет ПП возила и 37 пожарникари, екипа на ШС Равна Река со две теренски возила со цистерни и четири возила за превоз и 30 вработени, екипа на ШС Малешево со четири теренски возила со цистерни и шест теренски возила за превоз и 45 вработени, ТППЕ Берово со три ПП возила и седум пожарникари, ДЗС со теренско возило со цистерна и пет вработени, РЦУК Берово со двајца вработени и 40 луѓе од месното население.

На терен е и екипата од Словенија, како и екипата од Австрија.

Пожарот во атарот на селото Будинарци е ставен под контрола и е локализиран. Екипите работат на негово расчистување.

Од Ловиштето Јасен известуваат дека пожарот од Раовиќ се префрлил на територијата на Ловиштето Јасен. На дежурство во селото Раовиќ биле испретени две ПП возила со пет пожарникари.

Истата екипа кракот од пожарот кој се спуштал кон селото во 2 часот го угаснала. Другите краци на пожарот се уште горат.

Фронтот на пожарот кај Катланово е насочен кон селото Средно Коњаре . Интензитетот на горење моментално е намален, но состојбата може наеднаш да се промени.

Пожарот во атарот на селата Топлица, Ракле и Никодин е се уште активен во делот од Топлица кон село Крстец во тешко пристапен терен.

Би можело да ве интересира

Тимови од Чешка и Словенија ќе го гасат пожарот на Готен, акцијата се префрла од радовишка кон беровска страна на планината

ВМРО-ДПМНЕ обвини дека уапсениот за подметнување пожар е шофер на Заев: Возеше инспектори, не сум го видел од 2016 одговара екс премиерот

Црвениот крст Берово апелира за донации за екипите што се борат со пожарот

Словенечки пожарникари и специјализирана опрема пристигнуваат во Берово

Ангелов: За повеќето пожари имаме индиции и докази дека се подметнати

Пожарите не стивнуваат, критично на Готен, кон границата со Грција и кај Прилеп и Кавадарци