Осуммина од повредените во пожарот во кочанската дискотека „Пулс“ кои беа на лекување во Турција, Бугарија и Словенија денеска се врачаат во земјава. Во странство остануваат хоспитализирани 18 пациенти, информира Министерството за здравство.
– Согласно протоколот, пет пациенти ќе бидат под опсервација во ГОБ „8 Септември“, двајца на Клиника за пластична хирургија и еден пациент во Хируршка клиника „Св.Наум Охридски“. Дел од повредените, кои изминатиот период се вратија во земјава, веќе започнаа процес на рехабилитација во Општата болница во Кочани, кои во зависност од повредите се третираат на одделенијата за неврологија, хирургија и физикална терапија. Министерството за здравство континуирано ја следи состојбата со повредените пациенти, со цел обезбедување најдобар можен третман, како и натамошна рехабилитација.