Универзитетот „Св.Климент Охридски“ од Битола на 15 септември ќе организира трет уписен рок за 1.566 слободни места во прв циклус на студии за академската 2014-2015 година.
Од Ректоратот информираат дека во првиот уписен рок биле запишани 1.307, а во вториот 792 кандидати за студирање на прв циклус студии или вкупно 2.099 бруцоши, што значи реализација на конкурсните квоти од 57 отсто.
Во вториот упсен рок најголем интерес кандидатите покажале за Факултетот за безбедност, Факултетот за туризам и угостителство, Правниот факултет и Факултетот за информатички и комуникациски техноголии.
Во третиот уписен рок право да конкурираат имаат матурантите со положена училишна матура и завршен испит.