Осум акумулатори од светилките на соларна енергија што го осветлуваат првиот видиковец во парк-шумата „Водно“ и на уште шест акумулатори од светилките на соларна енергија од вториот видиковец се украдени минатата недела од непознати сторители.
Светилките што ги осветлуваат двата видиковци се сопственост на Градот Скопје, а вредноста на украдените акумулатори изнесува 280.000 денари.
Градот Скопје извршената кражба ја пријави во полицијата која трага по сторителите.
Градот Скопје апелира до граѓаните да ја чуваат поставената урбана опрема и зелените јавни површини, како и да се придржуваат кон комуналниот ред.
