Универзитетскиот сенат на Универзитетот „Св. Кирил и Методиј“ во Скопје ќе доделува стипендии на студентите запишани во прва година на прв циклус студии на факултетите при Универзитетот во учебната 2013/2014 година.
Како што соопштија денеска од Универзитетот „Свети Кирил и Методиј“, се предвидува за учебната 2013/2014 година да бидат доделени 230 стипендии, распоредени по 10 за секој факултет.
Износот на секоја стипендија е во висина на партиципацијата утврдена со Конкурсот за соодветниот факултет, односно за студиската програма. Стипендијата ја покрива школарината за првата година од студиите.