Промоција на концептот за тимска работа и фер игра, е целта на училишната кампања „Интерактивни спортски и забавни игри“ што почнува денеска од основното училиште „Стив Наумов“ во Битола.
Кампањата е дел од проектот „Сите сме еднакви“, што го имплементира Здружението на граѓани „ОХО“, со поддршка на Министерството за образование и наука на Република Македонија и Амбасадата на Велика Британија.
На свеченоста во Битола по повод стартот на кампањата, како што е најавено, ќе се обрати министерот за образование и наука Абдилаќим Адеми.