Ноќеска во 3.30 часот на подрачјето на Центар, полициски службеници го уапсиле А.Г.(21) од Скопје.
Тој се сомничи дека претходно на подрачје на Центар со шише со запалива течност предизвикал пожар на патничко возило „шкода фабија“ сопственост на Х.М.(69) од Скопје.
Од пожарот било зафатено и патничко возило „БМВ“ сопственост на З.К.(55) од Скопје.
Пожарот бил изгаснат од екипа на Бригадата за противпожарна заштита Скопје, а повредени лица нема.
А.Г. бил задржан во полициската станица Центар и по целосно документирање на случајот против него ќе биде поднесена соодветна пријава.