Разбнојништво е извршено утрово во скопски Сарај од страна на три лица со автоматски пушки, дознава „А1он“. Неофицијално, украдени се околу 2 милиони денари од 27-годишен маж. Случајот го потврдуваат и од МВР, додавајќи дека се работи на расчистување на случајот.
„Во 11:05 часот пријавено е дека во с.Сарај, пред банка извршено е разбојништво врз Б.О. (1993) од страна на три лица, кои со автоматски пушки му одзеле пари. Откако ги одземале парите со автомобил, се упатиле кон Матка“, велат од МВР за „А1он“.
Очевидци за „А1он“ велат дека пред банката се одвивала вистинска драма, а од МВР повеќе детали најавуваат во текот на денот.