Три активни пожари, најголем кај Криволак

Од:

Три пожари се активни утрово, најголемиот е на дел од подрачјето на воениот полигон Криволак каде дејствуваат еден армиски и еден полициски хеликоптер информира директорот на Центарот за управување со кризи Стојанче Ангелов.

Воените магацини се дополнително осигурани и се целосно безбедни.

Вториот пожар е во атарот на с. Калуѓерица во близина на магистралниот пат Радовиш – Струмица. Пожарот во кој била зафатена дабова шума е ставен под контрола. Интервенирале ТППЕ Радовиш.

Третиот пожар е пожарот кој во текот на вчерашниот ден гореше во атарот на с. Требичино, во општина Василево, струмичко. Пожарот во текот на ноќта го намали својот интезитет, чади на некои места но нема видлив активен оган. Во овој момент на лице место се екипи на ТППЕ Струмица. Доколку се разгори дополнително ќе се донесе одлука за евентуално гаснење од воздух поради непристапноста на теренот.

Во состојба на подготвеност за дејство е и Ер тракторот на Дирекцијата за заштита и спасување.

Би можело да ве интересира

ЦУК: Активни се пет пожари, три ставени под контрола

А1он

ЦУК: Вкупно 10 пожари на отворено

А1он

Пожарот во тетовско повторно се разгоре ноќеска

ВИДЕО: Огнот се закани на дел од објектите, пожарот во Јасен не е под контрола

Се уште активен пожарот во „Јасен“, затворен регионалниот пат Македонски Брод – Скопје

Скопјанец фрлал камења кон полицискиот хеликоптер што полнел вода од Лепенец