Делчево е една од најзадолжените општини во државава и една од 20-те кои функционираат со блокирани сметка. Стариот долг е 240 милиони денари, но секојдневно стигнуваат нови обврски кои го отежнуваат работењето, истакна градоначалникот Горан Трајковски.
– Делчево должи и на 35 семејства кои добиле новороденчиња или вкупно должи 116 илјади денари за исплата по решенија. Им ги должи и стипендиите на учениците и студентите за четири месеци од минатата учебна година или вкупно има за исплата 100 илјади денари. Не се исплатени и 14 советнички паушали на старите советнци или 2.606.800 илјади денари. Новиот долг само по овие основи пораснал за над 2, 8 милиони денари, рече градоначалникот Трајковски. Додаде дека се уште не е подмирена и обврската кон Фудбалскиот куб, а средствата не се исплатени од јули годинава.