Со денешното одржување на Самитот за мир, на кој учество ќе земат личности од македонската, балканската и меѓународната сцена, ќе се затвори Балканскиот мировен фестивал.
Посебни обраќања пред присутните ќе имаат Тони Блер, поранешен премиер на Обединетото Кралство, претседателот на „Сахара групацијата“ Субрата Рој, и македонскиот премиер Никола Груевски.
Свои говори на сцената ќе имаат и баронесата Патриша Скотланд, која е претседател на Алијансата против домашно насилство како и останати гости – учесници. Манифестацијата ќе се одржи во новиот Македонски народен театар.
Балканскиот мировен фестивал, кој е во организација на индискиот бизнисмен Субрата Рој, започна вчеравечер на полноќ со перформанси на македонски и индиски танчерски групи.
Премиерот Груевски со својот говор го означи фестивалот за отворен, а пред полупразниот плоштад се обрати и Субрата Рој, кој истакна дека барал земја во светот која ќе биде без корупција за одржување на првиот фестивал и одлучил тоа да биде Македонија.
Петар Клинчарски