Кандидатот за градоначалник за општина Центар од коалицијата „За поодбра Македонија”, Владимир Тодоровиќ, се обрати на митингот пред насобраните граѓани во општината.
Пред четири години заедно со започнавме да пишуваме една поинаква приказна, приказна за модерен центар, за центар кој се развива, центар во кој дневно минуваат илјадници луѓе и туристи, истакна тој.
Тодоровиќ рече дека за него најважни се граѓаните на Општина Центар и потенцираше дека Општина Центар не е само „Плоштад Македонија”, туку и населбите Капиштец, Маџир Маало, Дебар Маало, Пролет, Ново Маало, Крњево, Буњаковец, Водно, Градски ѕид и Кале.
Изградивме прекрасно и современо шеталиште во централното градско јадро кај хотел Јадран – Сквер Јадран, ја реконструиравме и ја претворивме во прекрасно шеталиште, улицата Никола Вапцаров која се протега кон плоштадот Македонија, кај кафулето Тренд, ниедна локална самоуправа во државава досега нема изградено капитални објекти како што општина Центар тоа го направи со: Мостот на уметноста – симболот на Општината – пешачки мост на реката Вардар кон новиот објект на обвинителството, како и Мостот ОКО – кон влезот на новиот објект на Археолошкиот Музеј, ја изградивме катната гаража кај Судска палата, изградивме двокатен монтажен паркинг на ул.Народен фронт во Капиштец, започнавме со изградба на спортска сала во ОУ„ Гоце Делчев‟, го уредивме просторот и ја обновивме фонтаната кај Трготекстил, кулите спроти Рамстор и пасошко, изведовме нови тротоари, поставивме јавно осветлување и урбана опрема низ цел Градски Ѕид од Кулите спроти Владата па се’ до Градска болница, ги обновивме фасадите на десетици згради, со што придонесовме кон подобрување на термоизолацијата, а воедно и разубавување на истите, рече Тодоровиќ.
Тој рече дека „Проектот Скопје 2014‟ е мега проект кој тешко би можел да го реализира било која власт, во било која земја. Тоа што опозицијата го напаѓа неаргументирано, како што рече Тодоровиќ е само за да ја оправда својата неспособност кога таа била на власт.