45-годишниот Милован А., рудар, од селото Злетово, во рудникот за олово и цинк “Злетово” од Пробиштип, додека управувал со специјална машина за транспорт на руда, се здобил со тешки телесни повреди.
Несреќата се случила вчера напладне.
Според СВР-Штип, во несреќата рударот завршил со скршеници на двете нозе, по што веднаш бил однесен на ортопедското одделение во штипската клиничка болница, а потоа, поради сериозноста на повредите, бил донесен и на операција во скопскиот Клинички центар. Во тек е истрага за утврдување на причините на несреќата, во која бил вклучен и рударски инспектор.