Генералниот секретар на Алијансата за Албанци, д-р. Арбен Таравари, денеска отпатува на официјална посета во Брисел.
Во текот на дводневниот престој, генералниот секретар Таравари ќе оствари средби со високи претставници на институции на ЕУ, како и со личности кои го поддржуваат патот на Македонија кон интеграции во ЕУ и НАТО.
Агендата на средби ќе биде фокусирана околу последните политички случувања во земјата, со посебен акцент на уставните промени и на веќе познатите ставови на Алијансата за Албанците за потребата на унапредување на уставната положба на Албанците, како клучен фактор за градење на мултиетничко, демократско и вистинско европско општество.
Во Европската комисија, д-р Таравари ќе оствари средба со европскиот комесар за соседство и проширување Јоханес Хан.
Д-р Таравари, исто така ќе се сретне и со европратениците Флекенштајн, Кукан и Вајгл, кои беа водечки фигури на Европскиот парламент во врска со политичкиот развој во Македонија во актуелното законодавство на оваа институција и најголемите поддржувачи на европеизацијата на државава.
При посетата, д-р Арбен Таравари ќе биде придружуван од Арбен Фетаи – шеф на Одделот за евроинтеграции при Алијансата за Албанци.