118 се повредени, нема пациент што не е згрижен, изјави утринава министерот за здравство Арбен Таравари, по трагичниот настан во Кочани каде што во дискотека изби пожар во кој има 51 жртва и стотина повредени.
На прашањето колку се во критична состојба, рече дека не би сакал да шпекулира.
– Одиме на хирургија да добиеме информации, кажа Таравари.
Тој рече дека добил и повик од министерот за здравство на Бугарија за да понуди помош, но Таравари кажа дека засега нема потреба од странска помош.
Имаме доволно крвни единици и засега нема потреба од дополнителни, кажа Таравари.