Државјаните на Република Македонија за академската 2014/2015 година можат да конкурираат за десет стипендии за подготвителен курс по словачки јазик на Универзитетот Комениус во Братислава, кои ги доделува Владата на Република Словачка, соопшти Министерството за образвание и наука.
Курсот е во времетраење од десет месеци, а вклучува и подготовки за полагање на квалификациските приемни испити на универзитетите во Република Словачка.
Избраните кандидати ќе добиваат месечна стипендија во износ од 280 евра, а ќе им бидат покриени и трошоците за сместување, исхрана и другите поврзани трошоци.
По завршување на подготвителниот курс, кандидатите имаат право да се запишат на додипломски, постдипломски или докторски студии од областа на техничките науки на државните универзитети во Република Словачка, под истите услови кои важат за словачките студенти.
Курсот ќе почне на 3 септември 2014 година, а потребните документи за пријавување треба да се достават до Министерството за образование и наука на Република Македонија, (ул.Св.Кирил и Методиј бр.54 Скопје, 14 кат, канцеларија 1410), најдоцна до 30.05. 2014 година.
Подетални информации за стипендиите, потребните документи и пропишаните обрасци може да се најдат на: www.minedu.sk, или на интернет страницата на Министерството за образование и наука на Република Македонија: www.mon.gov.mk .