Ставрески: Решен клучниот проблем на Пробиштип, стартува изградбата на пречистителна станица

Од:

По 50 години жителите од Пробиштип добијат чиста вода од водоснабдителната мрежа. Денеска беше поставен камен-темелник на новата пречистителна станица вредна 1,4 милиони евра, од кои осумстотини илјади евра се кредит од Јапонската агенција за развој „Џајка“, 480 илјади евра донација од словенечката Влада, а остатокот ќе го обезбеди Општина Пробиштип. Гаранцијата за потребните средства за изградба ги обезбеди Владата.

– Пред две години кога преку Јапонската владина агенција за меѓународна соработка „Џајка“ го обезбедивме потребниот кредит од 800.000 евра, бевме убедени дека овој проект во општина Пробиштип ќе го реализираме за кратко време. Општината направи напори да обезбеди скромни 120.000 евра од сопствениот буџет, а словенечката Влада додели неповратни средства од 480.000 евра. Со ова ја заокруживме финансиската конструкција за овој стратешки објект за жителите на општина Пробиштип, рече вицепремиерот и министер за финансии Зоран Ставрески кој присуствуваше на поставувањето на камен темелникот.

Тој додаде дека Владата и натаму ќе продолжи да ја поддржува Општина Пробиштип. – Тука, истакна, реализиравме неколку проекти, меѓутоа клучниот проблем на граѓаните на Пробиштип беше да се реши проблемиот со водата за пиење.

Филтер станицата ќе се простира на само 300 метри квадратни, ќе располага со најсофистицирана технологија која се применува во најразвиените земји.

– Моделот на прочистување на водата е со ултра филтрација кој што е по најсовремен европски и светски терк, изјави Тони Тоневски градоначалник на Пробиштип.

Тој додаде дека благодарение на поддршката на Владата на Република Македонија и на Словенечката амбасада во Македонија денеска се поставува камен-темелникот на идниот проект со кој ќе го решиме снабдувањето со вода кое беше проблем со децении.

Градежните активности се планира да финишираат кон средината на месец декември годинава, кога ќе потечат водите од хидростемот Злетовица, со што ќе се реши деценискиот проблем за околу  16.000 жители на Општината.

Фабриката за вода во Пробиштип ќе ја гради позната словенечка компанија, меѓународно призната зад која стои и Владата на Република Словенија. – Нашето учество во оваа инвестиција е од посебно значење бидејќи Македонија и Словенија имаат развиена соработка во развојот и унапредувањето на екологијата, истакна пред присутните словенечкиот амбасадор Брајан Бергант.

Би можело да ве интересира

Владата го поддржува рушењето на дивоградбите на охридското крајбрежје

Жарко Настоски

Владата го усвои скратениот полицискиот час, за патниците од Индија и Бразил – 14 дена карантин

Жарко Настоски

Владата ќе основа медиумски фонд за проекти од јавен интерес

Жарко Настоски

Владата ги ажурира податоците, за граѓаните по пет месеци да ги добијат 6.000 денари кои им беа ветени

Кристијан Ландов

Владата го утврди текстот на Законот за учебници, бил усогласен со препораките на ЕК

Жарко Настоски

Владата дава државно земјиште во Свети Николе под долготраен закуп за сончеви централи

Жарко Настоски

Leave a Comment

six − 1 =