На крајот на учебната 2011/2012 година, бројот на учениците е намален и во редовното основно и во средното образование, соопшти денеска Државниот завод за статистика.
Во редовните основни училишта, бројот на учениците на крајот на учебната 2011/2012 година изнесува 197.859 што претставува намалување за 2 проценти во однос на претходната учебна година.
Во средните училишта, пак, статистиката евидентира 91.167 ученици или за 1,8 проценти помалку во однос на претходната учебна година.