На денешната средба на градоначалникот на Општина Аце Коцевски со таксистите-претставници на Здружението на Авто-такси превозници, раководителот на Одделението за инспекциски надзор во локалната самоуправа и претставник на СВР Велес се разговарало за нелојалната конкуренција, узурпирани и неодбележани паркинг места, инспекциски и сообраќајни контроли.
Како што информираат од Општина Велес, Коцевски на средбата порачал дека сега е најдобар момент да се воведе ред во такси превозот. Тој на присутните претставници на Здружението на авто-такси превозници им понудил соработка и безрезервна поддршка.