Денеска, генералниот секретар на СДСМ, Оливер Спасовски оствари средби со граѓаните од скопските населби Бутел, Чаир и Радишани. Во разговорите со граѓаните тој рече дека СДСМ нуди конкретни мерки преку кои парите ќе се враќаат назад кон граѓаните се со цел да се врати економската стабилност на македонското семејство.
Приоритет на новата Влада на СДСМ ќе биде судството кое ќе работи во интерес на граѓаните на Македонија а нема да биде најголем заштитник на власта како што е тоа денеска. Недозволиво е владејачката партија да ја користи полицијата како своја партиска испостава, порача Спасовски во Радишани.
Младите најсилно ги почувствуваа погубните политики на власта. Во последниве неколку години 230.000 млади луѓе ја напуштија Македонија а дури 75% од нив својата иднина ја гледаат надвор од нашите граници.
Токму затоа, младите и младинската политика се сржта на нашата Програма. Наша цел е младите да ја гледаат и градат својата иднина овде, во нашата земја, порача Спасовски од средбите.
На денешните средби со граѓани генералниот секретар Оливер Спасовски беше придружуван од кандидатите за пратеници во втората изборна единица, Соња Мираковска и Сенад Смаиловиќ.
