СОЗР на Влада: Вработени на Службата за заеднички работи беа логистика на бројната делегација Софија

Од:

Службата за општи и заеднички работи на Владата на Република Северна Македонија најостро ги демантира и отфрла како дезинформација објавеното во дел од медиумите за наводното прикривање на вработени лица во Службата како новинари при посетата во Софија, Република Бугарија заради одржувањето на заедничката седница на Владите на Република Северна Македонија и Република Бугарија.

Шесте вработени лица во СОЗР при посетата во Бугарија присуствуваа заради извршување на работни задачи – организација и поддршка на активностите на нашата делегација, во која беа и медиумски претставници, на заедничката седница помеѓу Владата на Република Северна Македонија и Владата на Република Бугарија.

СОЗР информира дека согласно заклучокот од 4-та седница на Владата на Република Северна Македонија одржана на 20.01.2022 година, Службата е задолжена да ги преземе сите потребни активности и координација во врска со сместувањето и превозот на новинарите кои ќе присуствуваат/известуваат на заедничката седница помеѓу Владата на Република Северна Македонија и Владата на Република Бугарија, која ќе се одржи, односно од оваа временска точка, веќе одржана на 25 јануари 2022 година, а со вакво задолжение Службата е задолжена врз основа на Одлуката за нејзиното основање, каде се регулирани и уредени нејзините надлежности.

Оттука, дезинформација е дека шесте вработени лица во Службата на посетата во Бугарија биле прикажани како новинари, истите присуствуваа заради извршување на работни задачи согласно наведениот заклучок на Владата, и за истите не е направен дополнителен трошок.

Службата бара во целост да го објавите овој демант и да ја повлечете изнесената дезинформација.

Би можело да ве интересира

„Доста е, не се согласувам да се носат срамни одлуки “ – Александра Теменугова од ИКС повика на протест во 19 часот пред Влада

Орце Костов

„Франција ти благодарам, но не“ – министерот за локална самоуправа, Горан Милевски го одби предлогот на Макрон

Орце Костов

(ВИДЕО) Ковачевски: Предвремените избори нема да ги решат проблемите на граѓаните

Ана Ололовска

ВИДЕО: Започна средбата на премиерот Ковачевски со владината коалиција

Ана Ололовска

Влада: Определени највисоките маржи за основните прехранбени производи за ограничување на цените

А1он

Ковачевски: ЕУ мора да испорача европски вредности, и да го истисне влијанието на трети страни врз Балканот

А1он