Мајка и син од Турција се повредени во сообраќајка која се случила синоќа кај Демир Капија, ивести МВР. Жената имала повреди на главата, а нејзиниот син се здобил со повеќе скршеници, по што веднаш ги пренеле на скопските клиники.
Од АМСМ информираат дека сообраќајот на патниот правец Гевгелија – Демир Капија кај тунелот, од 00:20 часот се одвива наизменично по една коловозна лента, поради сообраќајната несреќа. Од таму препорачуваат исклучително внимателно управување со возилата.
Инаку, сообраќајот на сите државни патишта во Македонија се одвива без забрани, по суви коловози.